თბილისის საკრებულომ სტიქიით მიყენებული ზიანის ანაზღაურების წესი დაამტკიცა. კენჭისყრის შედეგებია 46 ხმა, არცერთი – წინააღმდეგ.
ახლა ჯერი წესის პრაქტიკულ ამოქმედებაზე, ზარალის ანაზღაურებისა და კომპენსაციების გაცემის პროცესის დროულად დაწყებაზეა.
თბილისის მერის მოადგილემ დიმიტრი ქუმსიშვილმა განაცხადა, რომ მერია მზადაა, დაზარალებულთათვის თანხების გაცემა ხვალიდანვე დაიწყოს, .თუმცა მანამდე უნდა მოხდეს შეთანხმება, თუ რომელი პირობით სურს დაზარალებულს ანაზღაურების მიღება, –
წესთან ერთად, ქუმსიშვილის თქმით, დამტკიცდა პროცედურები, ასევე განცხადების ფორმები და ხელშეკრულებები, რომლის მიხედვითაც დაზარალებულებმა უნდა მიმართონ მერიას.
"აღნიშნულ წესში არის მოთხოვნილი ძირითადი ინფორმაცია, ჩვენ პრაქტიკულად შეგროვებული გვაქვს, ანუ ოჯახების მხრიდან დაგვჭირდება მხოლოდ განცხადების მარტივი ფორმის შევსება , რაშიც ჩვენ თვითონვე დავეხმარებით. – განაცხადა დიმიტრი ქუმსიშვილმა.