|
ავღანეთში, ბაგრამის საავიაციო ბაზაზე დისლოცირებულმა ქართველმა სამხედრო მოსამსახურეებმა ბაზის ერთერთ საკონტროლო-გამშვებ პუნქტზე 780 გრამი ნარკოტიკული საშუალების გადატანის მცდელობა აღკვეთეს. ნარკოტიკები მოქალაქეს ჩხრეკისას საქართველოს შეიარაღებული ძალების IV-ე მექანიზირებული ბრიგადის 43-ე ბატალიონის “ ბრავოს"ასეულის პირველმა ოცეულმა აღმოუჩინა.
"მტკიცე მხარდაჭერის" მისიაში მონაწილე ამ ბატალიონის ერთ-ერთ მთავარ ამოცანას ბაზის დაცვა და აკრძალული ნივთიერებების – ასაფეთქებელი თუ ნარკოტიკული საშუალებების შეტანაზე კონტროლი წარმოადგენს.
სამსახურეობრივი მოვალეობის შესრულების დროს, 43-ე ბატალიონის სამხედრო მოსამსახურეებმა საერთო ჯამში 1200 გრ. ნარკოტიკული ნივთიერების ამოღება მოახერხეს.
გუშინდელი დღე ნარკოტიკებით ვაჭრობის წინააღმდეგ ნაყოფიერი ბრძოლის დღე აღმოჩნდა თბილისშიც. დიდი ოდენობით ნარკოტიკული საშუალების უკანონო შეძენა-შენახვის და გასაღების ფაქტზე დაკავებულია 35 წლის ქალი, რომელიც . გამოძიების ინფორმაციით, სისტემატურად ყიდდა ნარკოტიკულ საშუალებას. |
ნარკოლოგიური შემოწმებით დაკავებულს ბუპრენორფინის, მარიხუანის, ამფეტამინის და მეტამფეტამინის მოხმარების ფაქტი დაუდგინდა. მას 7-დან 14 წლამდე თავისუფლების აღკვეთა ემუქრება.