biletebi.ge-მ სუპერთასის ბილეთების გაყიდვა განაახლა  მიუხედავად იმისა, რომ გავრცელდა ინფორმაცია საიტის პროცესიდან გამოთიშვის შესახებ.

biletebi.ge-ი გაყიდის მხოლოდ 4 ათას 300 ბილეთს. ბილეთების ეს რაოდენობა გათვალისწინებული იყო მხოლოდ უცხოელი მაყურებლისთვის, თუმცა ახლა მისი ყიდვა ქართველ მომხმარებელსაც შეუძლია. უკვე გაყიდულია 200-მდე ბილეთი. დანარჩენი 22 ათასი ბილეთი სალაროებში გაიყიდება. 

უახლოეს საათებში   ფეხბურთის ფედერაციასა და უეფას შორის  ვიდეო კონფერენცია უნდა გაიმართოს. ქართული მხარე სავარაუდოდ სუპერთასის ფინალთან დაკავშირებულ საორგანიზაციო საკითხებში ჩართვას მოითხოვს. სალაროებში გასაყიდი ბილეთების ბეჭდვის პროცესი ჯერ არ დაწყებულა.ეს პროცესი დღეიდან უნდა დაიწყოს.

სუპერთასის ფინალური მატჩის ბილეთების ინტერნეტის მეშვეობით ვერგაყიდვის გამო შესაძლოა, საქართველომ UEFA-გან შენიშვნა ან სულაც სანქცია მიიღოს. 

როგორც ფეხბურთის ფედერაციის პრეზიდენტმა  ზვიად სიჭინავამ გუსინ განაცხადა,  პირველად ხდება, როდესაც UEFA ასეთი დონის შეხვედრის ბილეთების სალაროებში გაყიდის. 

"საქმე პროფესიონალმა უნდა გააკეთოს. 6 წლის გამოცდილება არ აღმოჩნდა საკმარისი. თითის დაქნევა იქნება UEFA-გან. ცუდი რაღაც შეიძლება ამ პრობლემამ გამოიღოს. UEFA -ს ასეთი დონის მატჩის ბილეთები სალაროში არასდროს არ გაუყიდია. ამ ყველაფრის გამო ისტორიაში ნამდვილად შევედით," – განაცხადა მან.  

ჯერჯერობით გაურკვეველი რჩება, აიცდენს თუ არა საქართველო სანქციებს და, რაც მთავარია, ოდნავ მაინც დაცხრება ქართველი გულშემატკივრის დასაბუთებული აღშფოთება, თუკი biletebi.ge დღეს მაინც შეძლებს ნაწილობრივ მოაგვაროს პრობლემა.