დღეს გახდება ცნობილი, თუ რა გადაწყვეტილებას მიიღებს საპარლამენტო ასამბლეა რუსეთისთვის ევროსაბჭოში ხმის უფლების ჩამორთმევის სანქციასთან დაკავშირებით – გაახანგრძლივებს სანქციას იანვრამდე თუ კიდევ უფრო გაამკაცრებს მას.
გუშინ ევროსაბჭოს მონიტორინგის კომიტეტის სხდომაზე კენჭი ეყარა დღეს მისაღები რეზოლუციის ტექსტს .
საქართველოს დელეგაცია უკმაყოფილებას გამოთქვამს იმის გამო, რომ რეზოლუციაში საქართველოზე საუბარი საერთოდ არ არის, „იყო მცდელობა შესწორების სახით შესულიყო ტექსტი, სადაც საქართველო და ჩვენი კონფლიქტები ნახსენები იქნებოდა. სამწუხაროდ, კენჭისყრაზე საკითხი ჩვენთვის დადებითად არ გადაწყდა,“ – ამბობს პარლამენტის საგარეო ურთიერთობათა კომიტეტის თავმჯდომარე, თედო ჯაფარიძე. მაათი არგუენტი, ვინც ხმ არ მისცაა სსაქაართველო დელეგაციის მიერ წარდგენილ შესწორებას, არის ის, რომ დოკუმენტის პროექტში შევიდა ცალკე შენიშვნა, რომელიც ძალაში ტოვებს წინა რეზოლუციას აფხაზეთისა და სამხრეთ ოსეთის შესახებ. გასათვალისწინებელია ისიც, რომ რეზოლუცია უკრაინასა და რუსეთს ეხება“ .
საქართველოს დელეგაციის წევრები ფარ-ხმალს არ ყრიან და პლენარულ სხდომაზე ხმების მობილიზაციას შეეცდებიან.
რეზოლუციის ტექსტით უკმაყოფილოა უკრაინის დელეგაციაც, რადგან მათი მთავარი მოთხოვნა ევროსაბჭოს საპარლამენტო ასამბლეიდან რუსეთის გარიცხვის თაობაზე არ დაკმაყოფილდა.
„იანვრის რეზოლუციაში ხაზგასმით იყო ნათქვამი, რომ თუ რუსეთის ქმედებებში არ იქნებოდა პროგრესი, ივნისში ასამბლეა განიხილავდა მისიუფლებამოსილების გაუქმების საკითხს. სამწუხაროდ, დღეს ამაზე აღარ არის საუბარი და ყურადღება„სტატუსკვოს“ შენარჩუნებაზეა გადატანილი. ეს ჩვენ არ გვაკმაყოფილებს“, – განცხადა უკრაინის რადას დეპუტატმა ალექსეი გონჩარენკომ.