თბილისში, რუსთაველის თეატრშია შავი ზღვის ვაჭრობისა და განვითარების ბანკის წლიური შეხვედრის ფარგლებში მიმდინარეობს ბიზნესფორუმი "მეწარმეობის განვითარება და კაპიტალის ხელმისაწვდომობა შავი ზღვის რეგიონში" .
ეროვნული ბანკის პრეზიდენტის გიორგი ქადაგიძის თქმით, მსგავსი ტიპის რეგიონალური კონფერენციები მნიშვნელოვანია საქართველოს ცნობადობის გაზრდის კუთხით . ,,ეს არის კარგი საშუალება ვისაუბროთ ჩვენს პოტენციალზე და იმ შესაძლებლობებზე, რომელიც საქართველოს ამ მიმართულებით აქვს" – .განუცხადა ჟურნალისტებს ქადაგიძემ ფორუმი გახსნის წინ. – "ჩვენი მთავარი გამოწვევა, დღეს, რა თქმა უნდა, არის ეკონომიკური ზრდა, უმუშევრობის დაძლევა და ლარის კურსთან დაკავშირებული ვითარება, რომელიც მძიმედ დააწვა მოსახლეობას. ამ მდგომარეობაში ყველაზე მნიშვნელოვანი არის პირდაპირი უცხოური ინვესტიციები და გაუმჯობესებული ბიზნესკლიმატი. ''