„გამოვხატავთ ჩვენს გულისტკივილს საშინელი ტრაგედიის გამო. ასევე გამოვხატავთ გულისტკივილს ზოოპარკის დირექტორისა და თანამშრომლების მიმართ'' – ნათქვამია საქართველოში შეერთებული შტატების ელჩის რიჩარდ ნორლანდის განცხადებაში, რომელიც დღეს გავრცელდა.
აშშ შეეცდება დახმარება გაუწიოს საქართველოს – აშშ-ის სატყეო სამსახურის სპეციალისტები, სეისმოლოგები და გეოლოგები საქართველოში ჩამოვლენ და ქართველებს გაუზიარებენ გამოცდილებას წყალდიდობასა და მეწყერულ რისკებთან დაკავშირებით რადგან ვიცით, რომ კვლავ არსებობს საშიშროება. “ –განაცხადა ნორლანდმა.
რაც შეეხება ფინანსურ დახმარებას, ელჩის თქმით, ის ელოდება ხელისუფლებას, რათა მოხდეს კონკრეტული წინადადებების წარდგენა კონკრეტული მიმართულებებით.