საქართველოს ფინანსთა სამინისტროს საგამოძიებო სამსახურის ცნობით,  ჩვილი ბავშვებით ვაჭრობის ფაქტზე დაკავებულია "რუსთავის სამშობიარო სახლის" გენერალური დირექტორი ალექსანდრე ბარავკოვი, მისი მოადგილე კონსტანტინე მანჯავიძე და"ახალი სამშობიარო ცენტრის" ერთ-ერთი დამფუძნებელი მზიაუგრეხელიძე.  დაკავებული სამი ბრალდებულის გარდა, სისხლის სამართლის პასუხისგებაშია მიცემული დანაშაულში მონაწილე 6 პიროვნება. 

გამოძიების ინფორმაციის მიხედვით, აღნიშნული პირები სამშობიაროში კონსულტაციაზე მისულ ფეხმძიმე ქალბატონებს სთავაზობდნენ თანხის სანაცვლოდ ახალშობილი ბავშვის მიტოვებას, რომლის გასხვისებასაც შემდგომ თავად უზრუნველყოფდნენ.გამოვლენილია ჩვილი ბავშვებით ვაჭრობის ორი ფაქტი,  ბრალდებულებმა ერთ შემთხვევაში აიღეს 3 000 ლარი, ხოლო მეორე შემთხვევაში – 5 000 დოლარი. 

აღნიშნულ ფაქტზე გამოძიება გრძელდება სისხლის სამართლის კოდექსის 1432-ე მუხლის მე-2 ნაწილის,,ბ" და,,გ" ქვეპუნქტებით, მე-3 ნაწილის ,,გ" ქვეპუნქტით, რაც სასჯელის სახით ითვალისწინებს თავისუფლების აღკვეთას თოთხმეტიდან ჩვიდმეტ წლამდე ვადით.