თბილისში სტიქიის ზონაში ევაკუაცია გამოცხადდა. ვერეს ხეობის ტერიტორიის დაცლას სასწრაფოდ ითხოვენ.
თბილისის მერიის კეთილმოწყობის სამსახურის უფროსმა ავთანდილ სუდაძემ მიზეზად ამინდის მოსალოდნელი გაუარესება დაასახელა. მისი თქმით, უსაფრთხოების მიზნით, ვერეს ხეობაში ევაკუაცია გამოცხადდა, ხეობასა და ზოოპარკში გაწმენდითი სამუშაოები დროებით შეჩერდება სტიქიის ზონიდან ტექნიკა, ასევე, ადგილზე მომუშავე ხალხი გამოჰყავთ.
სუდაძის ინფორმაციით, მოსალოდნელია ძლიერი წვიმა. აეროპორტის ტერიტორიაზე სეტყვა უკვე დაიწყო.