გარემოს დაცვის მინისტრის, გიგლა აგულაშვილის ინფორმაციით, ალბათობა იმისა, რომ 13 ივნისის მსგავსი სტიქია დღესაც განმეორდეს, 60-70%-ია. „გაწმენდითი სამუშაოები დროებით შეჩერდა იმის გამო, რომ მოსალოდნელია წვიმა. ეს არის სიფრთხილის ზომა, რის გამოც მომუშავე პერსონალი, ტექნიკა გამოვიყვანეთ და დროებით შევაჩერეთ სამუშაოები. როგორც სინოპტიკოსები ამბობენ, ალბათობა იმისა, რომ განმეორდეს იგივე სტიქია, არის 60-70 %, მაგრამ 10 და 20%-იანიც რომ იყოს, ჩვენ უნდა ვიფიქროთ ადამიანებზე. 11 კილომეტრიანი ღრუბელი უახლოვდება თბილისს, ამიტომაც მივიღეთ ეს გადაწყვეტილება და ეს, ჩემი აზრით, ყველაზე ადეკვატური გადაწყვეტილებაა“, – განაცხადა აგულაშვილმა.