ქალაქ ზუგდიდის საკრებულოს დღევანდელ მორიგ სხდომაზე აზრთა სხვადასხვაობა გამოიწვია მუნიციპალიტეტის ტერიტორიაზე „სიჩქარის შემზღუდავი ბარიერის“ განთავსების საკითხმა. დეპუტატების განცხადებით, ქალაქის მთელ ტერიტორიაზე ბარიერებს ვერ განათავსებენ, რადგან დაამახინჯებს ქალაქის იერსახეს. საკრებულოს ფრაქცია „ერთიანი ნაციონალური მოძრაობის“ წევრის ანა წითლიძის განმარტებით, აღნიშნული სიჩქარის შემზღუდავი ბორცვების გაკეთება აუცილებელია სკოლებისა და საბავშვო ბაღების წინ. აღნიშნული ინიციატივა დეპუტატებმა უმრავლესობით დაამტკიცეს.საკრებულოს თავმჯდომარის მოადგილის გიორგი თოდუას განმარტებით, პროექტის მიზანია საგზაო შემთხვევების პრევენცია, ხოლო პრიორიტეტი საჯარო სკოლები და საბავშვო ბაღების უსაფრთხოებაა.საკრებულოს დღევანდელ სხდომაზე ასევე საუბარი შეეხო ქალაქდასუფთავების სამსახურის მუშაობის საკითხს. კერძოდ, ანა წითლიძის თქმით, ქალაქის დასუფთავების სამსახური დაკისრებულ მოვალეობას ვერ ასრულებს, რადგან ხშირია შემთხვევები, როცა მოსახლეობას პრეტენზიები აქვს. დეპუტატმა დღეს პრობლემური ქუჩებიც დაასახელა.აღნიშნულთან დაკავშირებით ქალაქ ზუგდიდის მერიაში კომენტარს არ აკეთებენ იმ მოტივით, რომ ეს საკითხი ზუგდიდდასუფთავების სამსახურის კომპეტენციაა. ტელეკომპანია „ოდიში“ ზუგდიდდასუფთავების სამსახურის უფროსის პოზიციით დაინტერესდა. ნუგზარ მოლაშხიას განმარტებით, ნაგვის ურნები ქალაქის ტერიტორიაზე მართლაც არასაკმარისადაა. ხოლო რაც შეეხება დასუფთავების სამსახურის მუშაობას – მოლაშხიას განმარტებით, დაკისრებულ მოვალეობას სამსახურის ყველა თანამშრომელი ასრულებს.საკრებულოს დღევანდელ სხდომაზე დეპუტატებმა აღნიშნულ საკითხებთან ერთად სხვა საკითხებიც განიხილეს.
არასკმარისი ბუნკერები და სიჩქარის შემზღუდავი ბარიერები- ამ თემებზე იმსჯელეს დღეს ქალაქის საკრებულოში.
Published on