დასავლეთ ევროპის მიტროპოლიტ აბრაამის ლოცვა-კურთხევით 17 მაისს, პარიზში ჩატარდა საქველმოქმედო კონცერტი ქართული ნაციონალური ბალეტის სუხიშვილების, მომღერალ დავით არჩვაძისა და კომედი შოუს მსახიობების მონაწილეობით. აღნიშნულ კონცერტში ხელოვნების წარმომადგენლემა სრულიად უანგაროდ მიიღეს მონაწილეობა. მსგავსი აქცია-კონცერტი უკვე მეორედ ჩატარდა. კონცერტიდან შემოსული თანხა კი საქველმოქმედო ხასიათის აქციებს ხმარდება. ამ მიზნით, დღეს ენგურის ხიდზე პარიზის წმინდა თამარ მეფის სახელობის ტაძრის წინამძღვრმა, არქიმანდრიტმა ანტონ კანდელაკმა, სასულიერო პირებმა და კომედი შოუს მსახიობებმა ე.წ ადმინისტრაციულ საზღვარზე გადმომსვლელებს პირველადი სამედიცინო დახმარების საშუალებები გადასცეს. ე.წ ადმინისტარციულ საზღვარზე გადმომსვლელებმა სასულიერო პირებისგან მიიღეს პირველადი სამედიცინო დახმარების საშუალებები, ხოლო კომედი შოუს მსახიობებთან სამახსოვრო ფოტოებიც გადაიღეს. კომედი შოუს მსახიობების თქმით, ყველაფერი უნდა გაკეთდეს იმისთვის, რომ ოკუპირებული ტერიტორიები საქართველს იურისდიქციას დაუბრუნდეს, ამისთვის ყველა მშვიდობიანი საშუალება უნდა იქნეს გამოყენებული. დასავლეთ ევროპის ეპარქია მსგავს საქველმოქმედო აქცია-ღონისძიებას უკვე მეორედ ატარებს. საქველმოქმედო კონცერტიდან შემოსული თანხები საქართველოში უკიდურესად გაჭირვებულ ადამიანებს ხმარდება