ბრალდებულ დავით ჟორჟოლიანის ოჯახის წევრებმა და ახლობლებმა დღეს ზუგდიდის რაიონულ სასამართლოსთან საპროტესტო აქცია გამართეს. აქციის მონაწილეები საქმეში გენინსპექციის ჩართვას მოითხოვენ და იმ პირების კონტროლზე აყვანას, რომლებიც გაქმოძიებაში არიან ჩართული.დავითჟორჟოლიანს ბრალი ედება ყოფილი ცოლის ცემასა და გაუპატიურებაში.სასამართლომ მას ორთვიანი წინასწარი პატიმრობა შეუფარდა. ადვოკატ იოსებ ჯალაღონიას  განცხადებით, გაყალბებულია ექსპერტიზის დასკვნაც, რომელიც საქმეში დევს.ბრალდებულის ახლობლები აცხადებენ, რომ დავით ჟორჟოლიანი ქალის შურისძიების მსხვერპლია და მის დაუყოვნებლივ გათავისუფლებას მოითხოვენ.ბრალდებულის მიმართ სისხლის სამართლის საქმე 121-ე და 138-ე მუხლებითაა აღძრული, რაც ძალადობას და  სექსუალური ხასიათის ძალმომრეობით ქმედებას გულისხმობს. ბრალის დამტკიცების შემთხვევაში დავით ჟორჟოლიანს 4-დან 6 წლამდე თავისუფლების აღკვეთა ემუქრება.