"ქართული ოცნების" ცენტრალურ ოფისში გამართულ უმრავლესობის სხდომაზე მიღებული გადაწყვეტილების მიხედვით, მაჟორიტარული საარჩევნო სისტემა არ გაუქმდება და 2016 წლის არჩევნები საკონსტიტუციო სასამართლოს გადაწყვეტილების დაკმაყოფილებით ჩატარდება.
საქართველოში პროპორციული საარჩევნო სისტემა 2016 წლის არჩევნების შემდეგ დამკვიდრდება – განაცხადა უმრავლესობის სხდომის დასრულების შემდეგ გამართულ ბრიფინგზე პარლამენტის თავმჯდომარემ დავით უსუფაშვილმა. – კარზე მომდგარი არჩევნების წინ კარდინალური ცვლილებები სასურველი არ არის, ამას მომზადება სჭირდება. ასეთი რეფორმები საჭიროებს გააზრებას, წლის ბოლომდე დავასრულებთ საკონსტიტუციო სისტემებს, რომელიც 2016 წლის შემდგომი პერიოდისთვის პროპორციული სისტემის არჩევნებს დაამკვიდრებს
„მივმართავ ყველა პოლიტიკურ ძალას, ვინც არჩევნებით არის დაინტერესებული, გადმოდგას საპასუხო ნაბიჯი, რადგან ეს არის ძალიან მნიშვნელოვან ირეფორმა. საარჩევნო რეფორმები სწორედ ასე უნდა ხორციელდებოდეს. “- მხარდაჭერისკენ მოუწოდა პარლამენტის თავმჯდომარემ პოლიტიკურ პარტიებს