ზუგდიდის საკრებულოს მორიგი სხდომა გაიმართა დღეს, სადაც საკრებულოს წევრებმა სხვადასხვა საკითხები განიხილეს. მათ შორის  აზრთა სხვადასხვაობა გამოიწვია საკითხმა, რომელიც სოციალურად დაუცველი მოსახლეობის ჯანმრთელობისა და საყოფაცხოვრებო პირობების გაუმჯობესების მიზნით წარმოდგენილი პროექტების შერჩევის პროცედურებსა და კრიტერიუმების დამტკიცებას ეხებოდა. საკრებულოს ფრაქცია ერთიანი ნაციონალური მოძრაობის წევრის ანა წითლიძის განცხადებით, გაუგებარია თუ რატომ შეიტანეს ცვლილებები ახლა. მისი თქმით, საკითხავია, ხომ არ უკავშირდებოდა იმას, რომ უარი ეთქვათ ზუგდიდის განვითარების დაფინანსებისთვის. საკრებულოს იურიდიული კომისიის თავმჯდომარის ნუგზარ სარიას განმარტებით, იანვარში წარმოდგენილ დებულებაში აუცილებელი გახდა ზოგიერთი დეტალის გადამოწმება, ასევე შემოვიდა წინადადებები არასამთავრობო ორგანიზაციებიდან. საკრებულოს დღევანდელ სხდომაზე ანა წითლიძემ ზუგდიდის დასუფთავების სამსახურის მუშაობის შესახებაც გააკეთა განცხადება, კერძოდ, დეპუტატის თქმით, მოსახლეობის განმარტებით, დასუფთავებს სამსახური დაკისრებულ მოვალეობას ვერ ასრულებს. აღნიშნულთან დაკავშირებით კომენტარი გააკეთა ზუგდიდის დასუფთავების სამსახურის უფროსმა. ნუგზარ მოლაშხიას განცხადებით, ეს არის სიცრუე. საკრებულოს დღევანდელ სხდომაზე დეპუტატებმა სხვა საკითხებზეც იმსჯელეს