სოფლის მეურნეობის სამინისტროს პროექტების მართვის სააგენტო პროგრამის „დანერგე მომავალი“ მეორე ეტაპი დაიწყო. ამ მიზნით დღეს სოფლის მეურნეობის პროექტების მართვის სააგნტოს დირექტორმა მარიანა ორგოშიამ და სააგენტოს ოფიცერმა ალექსანდრე მელქაძემ აღნიშნული პროგრამა სამეგრელო ზემო-სვანეთის ადგილობრივი თვითმმართველობის წარმომადგენლებს გააცნეს. სააგენტოს ცნობით, განაცხადების მიღება სოფლის მეურნეობის პროექტების მართვის სააგენტოში 15 ივლისიდან დაიწყება და პროგრამაში მონაწილეობის მსურველებს საშუალება ექნებათ ახალი ხეხილის ბაღები შემოდგომაზე გააშენონ. პროექტის „დანერგე მომავალი“ განხორციელებისთვის ორი წლის განმავლობაში 15 მილიონი ლარი დაიხარჯება. პროგრამის ფარგლებში დაგეგმილია 1 000 – 1 200 ჰექტარზე თანამედროვე ტიპის ბაღის და 30 – 40 ახალი, თანამედროვე სანერგე მეურნეობის გაშენება, რაც ხელს შეუწყობს ერთი მხრივ ადგილობრივ ბაზარზე იმპორტ-ჩანაცვლების, ხოლო მეორე მხრივ საექსპორტო პოტენციალის ზრდის პროცესს