„თავისუფლებისა და მხარდაჭერის ცენტრის“ წარმომადგენლებმა დღეს პრემიერ-მონისტრის ზუგდიდში სტუმრობა გააპროტესტეს. ცენტრალურ ხეივანთან შეკრებილებს წითელი ბარათები და პლაკატები ეჭირათ  წარწერით „ძირს უნიათო ხელისუფლება“. ისმოდა შეძახილები „წადი“, რითაც აქციის მონაწილეებმა ირაკლი ღარიბაშვილს გადადგომისკენ მოუწოდეს.აქციის მონაწილეებმა ბულვარის მიმდებარე ტერიტორია რამდენიმე საათში დატოვეს. მათი განცხადებით, ისინი პრემიერ-მინისტრის ნებისმიერ ვიზიტს სამეგრელოში მშვიდობიანი ფორმით გააპროტესტებენ. აქციის მონაწილეებს სამართალდამცავებმა გზის მოპირდაპირე მხარეს გადასვლის საშუალება არ მისცა, სადაც პრემიერ-მინისტრი ღარიბაშვილი დადიანების ისტორიულ-არქიტექტურულ მუზეუმში ამერიკის ელჩთან ერთად იმყოფებოდა.