ჯო ბაიდენის უფროსი შვილი ბო ბაიდენი გარდაიცვალა

0
724

30 მაისს აშშ-ის ვიცე პრეზიდენტის ჯო ბაიდენის უფროსი ვაჟი ბო ბაიდენი 46 წლის ასაკში გარდაიცვალა. ბო ბაიდენის გარდაცვალების მიზეზი თავის ტვინის ავთვისებიანი სიმსივნე გახდა, რომელიც მას 2013 წლის აგვისტოში დაუდგინეს და ამ დრომდე ქიმიოთერაპიის კურებს გადიოდა. მაისის ბოლოს ბაიდენი შეერთებული შტატების შეიარაღებული ძალების სამედიცინო ცენტრში გადაიყვანეს, თუმცა მკურნალობამ შედეგი ვერ გამოიღო. ბო ბაიდენს დელავერის შტატის გენერალური პროკურორის პოსტი ეკავა მაშინ, როდესაც მამამისი იგივე შტატს სენატში წარმოადგენდა. ბო ბაიდენი ბოლო თვეების განმავლობაში იურიდიულ ფირმაში "Grant & Eisenhofer"მუშაობდა და 2016 წლის არჩევნებში დელავერის შტატის გუბერნატორის პოსტზე აპირებდა კენჭისყრას. ჯო ბაიდენს უკვე მიუსამძიმრეს ამერიკის პრეზიდენტმა ბარაკ ობამამ და მისმა მეუღლემ მიშელ ობამამ.

 

წინა სტატიასოფელ ერგეტაში შუალედური არჩევნები მიმდინარეობს
შემდეგი სტატიაცესკო: “შუალედური არჩევნები მშვიდ გარემოში მიმდინარეობს”
ტელეკომპანია ოდიშის საინფორმაციო სამსახური