ზუგდიდში საქართველოს დამოუკიდებლობის დღის აღნიშვნა ენგურის ხიდიდან, ე.წ ადმინისტრაციული საზღვრიდან დაიწყო, სადაც დამოუკიდებლობის დღისადმი მიძღვნილი სხვადასხვა ღონისძიებები გაიმართა. ადგილობრივმა ფოლკლორულმა ანსამბლებმა ქართული ხალხური სიმღერები და ცეკვები შეასრულეს. ღონისძიების კულმინაცია კი ცაში სიმბოლურად გაშვებული ფერადი ბუშტები იყო რომელიც საქართველოს დროშის ფერებში იყო გადაწყვეტილი.მოგვიანებით, ადგილობრივი ხელისუფლების წარმომადგენლებმა საქართველოს პირველი პრეზიდენტის ზვიად გამსახურდიასა და ეროვნული გმირის მერაბ კოსტავას ძეგლები გვირგვინებით შეამკეს და პატივი მიაგეს მათ ხსოვნას. მერაბ კოსტავას ბიუსტი ყვავილებით შეამკეს ასევე ზუგდიდის განვითარების ცენტრის მოსწავლეებმა და ცენტრის ხელმძღვანელმა ანი წითლიძემ. საკრებულოს დეპუტატის განცხადებით, დამოუკიდებლობისთვის ბრძოლა დღესაც გრძელდება.ზუგდიდისცენტრალურმოედანზე, არაქართული წარმოებისტექნიკა იყო გამოფენილი. ამისპარალელურად მთავარმოედანზეასევე წარმოდგენილი იყო BMW-ს მარკის ავტომობილები. აღნიშნული ფაქტი გააპროტესტეს ზუგდიდში მყოფმა საქართველოს პარლამენტის წევრმა აკაკი მინაშვილმა და ბაჩო ახალაიას მეუღლემ ანი ნადარეიშვილმა. ცენტრალურ მოედანზე გამოყვანილი BMW-ს მარკის ავტომობილების მძღოლების განმარტებით, ისინი დრიფტ კლუბის წევრები არიან. მათი თქმით, ისინი მასშტაბური ღონისძიებისთვის ემზადებიან და დღეს დღესასწაულის ფარგლებში მნახველებს დაათვალიერებინეს ავტომობილებით.ამ საკითხთან დაკავშირებით კომენტარი სამეგრელო-ზემო სვანეთის ნგუბერნატორის პრესსამსახურის უფროსმა პაატა ლაგვილავამ გააკეთა, მან დაადასტურა რომ ტექნიკა არ იყო ქართული წარმოების, თუმცა ის არც რუსული წარმოების არ ყოფილა და გადაწყვეტილება ამის თაობაზე თავდაცვის სამინისტრომ მიიღო.მიუხედავად იმისა, რომ დღეს ქალაქი ხალხის სიმრავლით არ გამოირჩეოდა, საქართველოს დამოუკიდებლობის დღისადმიმიძღვნილი ღონისძიებები მთელი დღის განმავლობაში გაგრძელდა. სადღესასწაულო ზეიმი საღამოს გალა კონცერტით დასრულდა, ზუგდიდელებს დამოუკიდებლობის დღე ჯგუფ მგზავრების მონაწილეებმა სიმღერით მიულოცეს.