აღმოსავლეთ პარტნიორობის რიგის სამიტს აშშ-ს სახელმწიფო დეპარტამენტი ეხმაურება, უწყების განცხადებას, სახელმწიფო დეპარტამენტის ოფიციალური წარმომადგენელი მარი ჰარპი ავრცელებს. განცხადებაში ნათქვამია, რომ აშშ მხარს უჭერს ინიციატივებს, რომლებიც აღმოსავლეთ პარტნიორობის ქვეყნებში დემოკრატიას, ეფექტურ მმართველობას, ენერგოუსაფრთხოების გაძლიერებას, კორუფციასთან ბრძოლას, ეკონომიკურ და სოციალურ განვითარებას უწყობს ხელს.
"შეერთებული შტატები მხარს უჭერს ევროკავშირის მცდელობებს, ხელი შეუწყოს მჭიდრო თანამშრომლობასა და პარტნიორობას საქართველოსთან, მოლდოვასთან, უკრაინასთან, სომხეთთან, აზერბაიჯანსა და ბელარუსთან, ეს განსაკუთრებით მნიშვნელოვანია რეგიონში რუსეთის მხრიდან ზეწოლისა და დეზინფორმაციის გაზრდის ფონზე"- წერია უწყების განცხადებაში.