დღეს, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და მინისტრის მოადგილე გოგი ფაცაცია აფხაზეთის დეფაქტო მთავრობის წარმომადგენლებთან მოლაპარაკების გამართვის მიზნით სტამბოლში გაემგზავრნენ.
სამინისტროს განცხადებაში ნათქვამია, რომ 2010 წელს საერთაშორისო წითელი ჯვრის ეგიდით შეიქმნა ორმხრივი საკოორდინაციო ჯგუფი, რომელიც1992-1993 წლებში ქართულ-აფხაზური კონფლიქტის შედეგად უგზო-უკვლოდ დაკარგულთა მოძიებისა და გადმოსვენების საკითხებს სწავლობს.
საკოორდინაციო ჯგუფის მუშაობის ფარგლებში დღემდე გამართულია 7 ასეთი შეხვედრა აფხაზეთის დეფაქტო ხელისუფლების წარმომადგენლებთან.
ამ მორიგ შეხვედრას წინ უძღოდა სამუშაოები, როგორც აფხაზეთის, ისე საქართველოს დანარჩენ ტერიტორიაზე, რომლის დროსაც10-ზე მეტი სამარხი იქნა იდენტიფიცირებული.