უკრაინის პრეზიდენტის საერთაშორისო მრჩეველთა საბჭოს თავმჯდომარე მიხეილ სააკაშვილი ლატვიის გენერალურ პროკურორს ერიკს კალნმეიერს შეხვდა. მიხეილ სააკაშვილმა მას ამ პოსტზე წინადღეს ხელახალი არჩევა მიულოცა.
მხარეებმა განიხილეს სამართალდამცავი სტრუქტურების მუშაობაში უკრაინელი რეფორმატორებისთვის გამოცდილების გაზიარების შესაძლებლობა, ასევე უკრაინიდან უკანონოდ გატანილი ფულის უკრაინელი ხალხისთვის დაბრუნების საკითხი. მიხეილ სააკაშვილმა მადლობა გადაუხადა ლატვიის გენერალურ პროკურორს ამ საკითხში დახმარებისათვის.
საქართველოს ექსპრეზიდენტმა საპატიო სტუმართა წიგნში ჩანაწერიც გააკეთა, ხოლო ერიკს კალნმეიერსმა მას ლატვიის პროკურატურის საპატიო ნიშანი გადასცა.
მცირე ხნით ადრე რიგაში მყოფმასაქართველოს ექსპრეზიდენტმა ქართველ ჟურნალისტებთან საუბრის დროს განაცხადა , რომ საქართველოს მთავრობას არასწორი პრიორიტეტები აქვს- „რიგაში მთავრობა ვიზების გამარტივების ნაცვლად ჩემს დაკავებას ითხოვდა,მიხედონ ხალხს, დაგვანებონ თავი, ჩვენსხალხს ძალიან უჭირს და უნდა დავეხმაროთ მათ,რაღაცა უნდა გავაკეთოთ ამისთვის,“- აღნიშნა მან.