სამეგრელოს რეგიონში არსებულ პროექტებზე, მიმდინარე სამუშაოებზე და ინიციატივებზე ისაუბრეს დღეს რეგიონის გუბერნატორის ადმინისტარციაში, რომელსაც საქართველოს მთავრობის ადმინისტრაციის რეგიონებთან და თვითმმართველ ორგანოებთან ურთიერთობის დეპარტამენტის უფროსი რეგიონის გუბერნატორთან და მუნიციპალიტეტის ხელმძღვანელ პირებთან ერთად ესწრებოდა. მედიის წარმომადგენლებისთვის შეხვედრის მხოლოდ მცირე ნაწილი იყო საჯარო, მოგვიანებით შეხვედრა ჟურნალისტებისთვის დაიხურა. მთავრობის ადმინისტრაციის რეგიონებთან და თვითმმართველ ორგანოებთან ურთიერთობის დეპარტამენტის უფროსის გიორგი ამაშუკელის განცხადებით, საუბარი მიმდინარე და დაგეგმილ სამუშაოებს შეეხო.
გუბერნატორ ლევან შონიას განცხადებით, უამინდობის გამო რამოდენიმე პროექტის განხორციელება ფორს-მაჟორში მიმდინარეობს, რამაც პროექტის დასრულების ვადების შეცვლა გამოიწვია.
ლევან შონიას განმარტებით, დაგეგმილი ინფრასტრუქტურული პროექტები ინტენსიურ რეჟიმში მიმდინარეობს.