დღეს ავსტრიის დედაქალაქში, Wiener Stadthalle- ს სცენაზე სტარტს ევროვიზიის პირველი ნახევარფინალური კონკურსი აიღებს, სადაც ქართველი მომღერალი ნინა სუბლატი ბოლო, რიგით მე-16 ნომრად გამოვა და სიმღერას Warrior შეასრულებს. ქართველმა მომღერალმა უკვე გაიარა რამდენიმე რეპეტიცია.
წინასწარი გამოკითხვებით, ქართველი კონკურსანტი პირველ ხუთეულში შედის და ევროვიზიის წინა წლის გამარჯვებულის, კონჩიტა ვურსტის სიმპათიასაც იმსახურებს.
პირველი ნახევარფინალური კონკურსი დღეს, 23 საათზე გაიმართება, საზოგადოებრივი მაუწყებლის "პირველი არხი" კი კონცერტის პირდაპირ ტრანსლაციას ამ დროიდან დაიწყებს.
კონკურსის ნახევარფინალები 19 და 21 მაისს ჩატარდება, ხოლო ფინალი 23 მაისს.
წლევანდელი ევროვიზიის კონკურსი საიუბილეოა, „ევროვიზიის“ სიმღერის რიგით მე-60 კონკურსს ვენა მასპინძლობს