როგორც რაულ ხაჯიმბამ 16 მაისს გამართულ პრესკონფერენციაზე განაცხადა, მან მხოლოდ მედიიდან შეიტყო, რომ ე.წ დონეცკისა და ლუგანსკის რესპუბლიკებმა აფხაზეთის დამოუკიდებლობა აღიარეს.
,, ჩვენ დღემდე არ მიგვიღია ამის დამადასტურებელი ოფიციალური დოკუმენტები – თქვა მან, მე ჯერ ოფიცალურად არაფერი მინახავს გარდა იმისა, რაც პრესაში განიხილება. ჩვენ დიდად ვაფასებთ, თუ ეს მართლაც ასეა, მაგრამ გასათვალისწინებელია ერთი რამ: დღეს თვით დონეცკსა და ლუგანსკშიც საუბრობენ კიევთან შესაძლო დიალოგზე უკრაინის შემადგენლობაში მათთვის ფართო ავტონომიის სტატუსის მინიჭების საკითხის გარშემო. ‘’
შეგახსენებთ, რომ 12 მაისს პრესაში გავრცელდა ინფორმაცია, რომ დონეცკის სახალხო რესპუბლიკამ აფხაზეთისა და სამხრეთ ოსეთი დამოუკიდებლობა სცნო.