,,დადიანები თბილისში’’

0
672

 

მუზეუმის საერთაშორისო დღისადმი მიძღვნილი გამოფენა დედაქალაქში

 

დღეს თბილისში იხსნება  .დადიანების სასახლეთა ისტორიულ-არქიტექტურული მუზეუმისა და საქართველოს თეატრის, მუსიკის, კინოსა და ქორეოგრაფიის სახელმწიფო მუზეუმის ერთობლივი გამოფენა  “დადიანები თბილისში”. გამოფენაზე წარმოდგენილი იქნება  დადიანების  მუზეუმში დაცული გამოყენებითი ხელოვნების ნიმუშები, ნუმიზმატიკა, ფოტომასალა, ფერწერა, გრაფიკა, ჭედური ხელოვნების ნიმუშები.

გამოფენა ეძღვნება მუზეუმის საერთაშორისო დღეს – 18 მაისს, რომელიც  1977 წლიდან აღინიშნება მთელ მსოფლიოში და ემსახურება სამუზეუმო საქმის პოპულარიზაციას, მუზეუმის როლის გაცნობიერებას საზოგადოების მიერ.

როგორც  დადიანების მუზეუმის დირექტორი ლილი ბერაია ამბობს, ეს დღე მისი დამფუძნებლის –  მუზეუმების საერთაშორისო საბჭოს (ICOM) მიერ მოიაზრება როგორც   განსაკუთრებით მნიშვნელოვანი  მომენტი სამუზეუმო საზოგადოებისათვის და წარმოადგენს შესანიშნავ საშუალებას  მუზეუმის პროფესიონალებისთვის თავის  აუდიტორიასთან შესახვედრად.

სამეგრელოს რეგიონში არსებული მუზეუმები მრავალი წელია ღირსეულად აღნიშნავენ და მონაწილეობენ  ამ დღისადმი მიძღვნილ ღონისძიებებში. წლეულს, როგორც, საქართველოს კულტურის სამინისტროს ოფიციალურ გვერდზე განთავსებულ პროგრამაში ვკითხულობთ,  მუზეუმის საერთაშორისო დღისადმი მიძღვნილი კვირეულები ჩატარდება ფოთში  – კოლხური კულტურის მუზეუმის და    ნოქალაქევში  – არქიტექტურულ-არქეოლოგიური მუზეუმ-ნაკრძალის ორგანიზებით. 

დამკვიდრებული ტრადიციით, მუზეუმის საერთაშორისო დღის აღნიშვნის უცილობელი კომპონენტია ღია კარის დღე საქართველოს ყველა მუზეუმში  –  ყველა მუზეუმში შესვლა  უფასოა.

 

წინა სტატიარაულ ხაჯიმბას პრესკონფერენცია პუტინთან შეხვედრის შედეგების შესახებ
შემდეგი სტატიარაულ ხაჯიმბა: მე თვალით არ მინახავს დოკუმენტები ლუგანსკისა და დონეცკის სახალხო რესპუბლიკების მიერ ჩვენი დამოუკიდებლობის ცნობის შესახებ
ტელეკომპანია ოდიშის საინფორმაციო სამსახური