გუშინ სოფელ რუხში დაკავებულ იქნა სხვადასხვა მძიმე დანაშაულისთვის ნასამართლევი,,კანონიერიქურდი“ თემურ გვასალია, რომელიც კრიმინალურ სამყაროში ,, ,თემო სუხუმსკის’’ სახელით არის ცნობილი.
დაკავების ოპერაცია განხორციელდა საქართველოს შინაგან საქმეთა სამინისტროს კრიმინალური პოლიციის დეპარტამენტის სამეგრელო-ზემო სვანეთის სამხარეო სამმართველოს და კონტრტერორისტული ცენტრის თანამშომლების მიერ ჩატარებული ოპერატიულ-საგამოძიებო ღონისძიებების შედეგად,
გვასალია საქართველოში ყალბი, თემურ სონგულიას სახელზე გაცემული პასპორტით შემოვიდა აფხაზეთის ოკუპირებული ტერიტორიდან როგორც ოპერატიული ინფორმაცია მოწმობს, თბილისში მკურნალობის მიზნით. მას დაკავებისას აღმოაჩნდა ნარკოტიკული საშუალება და ნარკოლოგიური შემოწმებით დაუდგინდა ოპიუმის ჯგუფის ნარკოტიკის მოხმარების ფაქტი.
გვასალია ერთერთია იმ 11 კანონიერი ქურდიდან, რომელნიც დიდი ავტორიტეტით და გავლენით სარგებლობენ აფხაზეთის კრიმინალურ წრეებში და ერთადერთი ქართველი აფხაზეთის ტერიტორიაზე მოქმედ ყველაზე ავტორიტეტულ კანონიერ ქურდებს შორის.
აფხაზური პრესის ცნობით, გვასალიას,,ქურდული ნათლობა“ 2013 წლისდეკემბრის დასაწყისში მოხდა,,კანონიერი ქურდების“ ვალიკოჯეჯიას(ვალტერი), გიორგი უგლავას (ტახი) და ირაკლი ყალიჩავას (იკა ხუტუ) ხელდასმით
გასულ წელს, როცა აფხაზეთის ახლად არჩეულმა დე-ფაქტო ხელისუფლებამ წამოიწყო ქურდულ სამყაროსთან დაპირისპირების საჩვენებელი კამპანია, იგი სხვებთან ერთად იქნა დაკავებული ნარკოტიკული საშუალებების შეძენა-შენახვისა დაა ყაჩაღობების ბრალდებით, თუმცა მალევე იქნა განთავისუფლებული.
გვასალიამ დაკავებისა და პირადი ჩხრეკისას აღიარა კანონიერი ქურდობა.
გამოძიება მიმდინარეობს კანონიერი ქურდობის და ნარკოტიკული საშუალების შეძენა-შენახვის ფაქტზე (საქართველოს სსკ-ის 223 პრიმა მუხლის მე-2 ნაწილით და 260-ე მუხლის 1-ლი ნაწილით.