NDI-ის კვლევის ფარგლებში  გამოკითხულთა უმრავლესობის აზრით, ხელისუფლების საქმიანობაზე გადაწყვეტილების მიმღები პირი კვლავ  ყოფილი პრემიერ-მინისტრი ბიძინა ივანიშვილია. ამ მოსაზრებას სრულად ეთანხმება გამოკითხულთა 28%, ეთანხმება – 31%, გამოკითხულთა 14%  თვლის, რომ  თანამდებობიდან გადადგომის შემდეგ   ბიძინა ივანიშვილი აღარ არის გადაწყვეტილების მიმღები, გამოკითხულთა 21% ამბობს, რომ  არ იცის, არის თუ არა ბიძინა ივანიშვილი გადაწყვეტილების მიმღები.

გამოკითხულთა 41% აცხადებს, რომ ბიძინა ივანიშვილი არ უნდა იყოს ჩართული პოლიტიკური გადაწყვეტილებების მიღების პროცესში, 30%-ის აზრით, სასურველია, რომ ბიძინა ივანიშვილი იყოს პოლიტიკური გადაწყვეტილებების მიმღები პირი და ამასთან ეკავოს ოფიციალური პოლიტიკური თანამდებობა. 6%-ის აზრით კი, სასურველია ბიძინა ივანიშვილი იყოს პოლიტიკური გადაწყვეტილებების მიმღები პირი და არ ეკავოს ოფიციალური პოლიტიკური თანამდებობა.

 გამოკითხულთა 20%-მა არ იცის, უნდა იყოს თუ არა ივანიშვილი ჩართული პოლიტიკური გადაწყვეტილებების მიღებაში, 3%-მა კი პასუხზე უარი განაცხადა.