ზუგდიდის აკაკი წერეთლის სახელობის პირველ საჯარო სკოლაში ევროპის დღესთან დაკავშირებით ღონისძიება გაიმართა. ორგანიზატორების განცხადებით, ევროპა შუმანის დეკლარაციის 65-ე წლისთავს აღნიშნავს. ღონისძიების ფარგლებში გაიმართა მოცეკვავეთა და მომღერალთა ჯგუფების კონცერტები, მოგვიანებით კი სხვადასხვა ტურნირში გამარჯვებული გუნდი გამოვლინდა. ევროკავშირის სადამკვირვებლო  მისიის ზუგდიდის რეგიონალური ოფისის უფროსმა გაბრიელ ვონ ჰორნიმ ჟურნალისტებთან დღევანდელი დღის მნიშვნელობაზე ისაუბრა.ევროპის დღეების აღნიშვნა ხვალამდე გაგრძელდება. ამ პერიოდის განმავლობაში ზუგდიდის სხვადასხვა სოფლებში სპორტული და კულტურული ღონისძიებებია დაგეგმილი.