ფაშიზმზე გამარჯვების 70-ე წლისთავის აღნიშვნა ზუგდიდში დილით რუხის ციხიდან დაიწყო (VIDEO)

0
605

ფაშიზმზე გამარჯვების 70-ე წლისთავის აღნიშვნა ზუგდიდში დილით რუხის ციხიდან დაიწყო, საიდანაც ენგურის ხიდამდე მარათონი გაიმართა.მატრათონი ევროკავშირის დღეებსაც უკავშირდება. აღნიშნულ მარათონში  ადგილობრივმა სკოლის მოსწავლეებმა მიიღეს მონაწილეობა. სამამულო ომის ვეტერანებმა და ადგილობრივი ხელისუფლების წარმომადგენლებმა ჭითაწყარის სასაფლაოზე პატივი მიაგეს მეორე მსოფლიო ომში დაღუპულ თანამებრძოლებს და  გვირგვინით შეამკეს მათი საფლავები. საკრებულოს თავმჯდომარის მოადგილის გიორგი თოდუას განცხადებით, მნიშვნელოვანია სამამულო ომის ვეტერანი მებრძოლების ღვაწლი სამშობლოს წინაშე.ადგილობრივი ხელისუფლების წარმომადგენლებმა და ომის ვეტერანებმა დღესვე გვირგვინით შეამკეს სამამულო ომის გმირის გრიგოლ სხულუხიას მემორიალური ძეგლი. მეორე მსოფლიო ომი ყველაზე მასშტაბური და სისხლისმღვრელი კონფლიქტი იყო კაცობრიობის ისტორიაში. მეორე მსოფლიო ომში საქართველომ 750 000 მეომარი გაგზავნა. მათგან დაახლოებით 200 000 დაიღუპა, ან უგზო-უკვლოდ დაიკარგა.

წინა სტატიაანი წითლიძე ადგილობრივ ხელისუფლებას მოუწოდებს მოსახლეობას წყალკანალიზაციისა და გზების პრობლემა მოუგვაროს (VIDEO)
შემდეგი სტატიაზუგდიდში ევროკავშირის დღეებს აღნიშნავენ. (VIDEO)
ტელეკომპანია ოდიშის საინფორმაციო სამსახური