ალიანსის მოვაჭრეებმა საკრებულოს წინ აქცია გამართეს (VIDEO)

0
608

იუსტიციის ყოფილი სახლის წინ, სადაც ამჟამად დროებით ქალაქის საკრებულოა განთავსებული, სავაჭრო ცენტრ ალიანსის მოვაჭრეებმა აქცია გამართეს. აქციის მონაწილეების პროტესტის მიზეზი შემოსავლების სამსახურიდან მიღებული წერილობითი შეტყობინებაა, რომელიც მოვაჭრეებმა უწყებისგან უკვე მეორედ მიიღეს. როგორც მოვაჭრეებმა განაცხადეს, აღნიშნული წერილობითი შეტყობინების საფუძველზე თუ სალარო აპარატებს არ დადგამენ, მათ შემოსავლების სამსახური დააჯარიმებს. მოვაჭრეების განცხადებით, იყო შეთანხმება, რომ 2016 წლამდე მათ სალარო აპარატების განთავსება არ მოუწევდათ. მოგვიანებით, სავაჭრო ცენტრ ალიანსის თანამშრომლებს ქალაქ ზუგდიდის საკრებულოს თავმჯდომარის მოადგილე გიორგი თოდუა შეხვდა, რომელმაც მათ სიტუაციაში გასარკვევად და საკითხის შესასწავლად დრო ორშაბათამდე ითხოვა.ალიანსის მოვაჭრეები ამბობენ, რომ იმ მძიმე პირობების გათვალისწინებით, სადაც მათ უწევთ მუშაობა, დამატებით სალარო აპარატების დადგმა შეუძლებელია. მათი თქმით, ყველას საბანკო კრედიტები აქვთ და დამატებით სალარო აპარატის სარგებლობის გადასახდელს ვერ გადაიხდიან.სავარო ცენტრ ალიანსის თანამშრომლებმა აღნიშნული მოთხოვნით მიმდინარე წლის 18 მარტსაც გამართა აქცია. დღესაც და მაშინაც უცვლელია მოთხოვნა – როგორც თავად ამბობენ, ისინი ყოველთვიურად იხდიან დაკავებული ფართით სარგებლობის გადასახდელს, რომელიც სოლიდური თანხაა. 

წინა სტატიაქურდულ სამყაროსთან კავშირში ბრალდებული პატიმრების მშობლები პროტესტის ნიშნად ფეხით ქუთაისისკენ მიემართებიან (VIDEO)
შემდეგი სტატიაანი წითლიძე ადგილობრივ ხელისუფლებას მოუწოდებს მოსახლეობას წყალკანალიზაციისა და გზების პრობლემა მოუგვაროს. (VIDEO)
ტელეკომპანია ოდიშის საინფორმაციო სამსახური