გუშინ ზუგდიდის რაიონ სოფელ ურთაში ინციდენტი მოხდა. ადგილობრივი მკვიდრი ლევან დანელია ერგეტაში მცხოვრებმა მამაკაცმა ცივი იარაღის გამოყენებით დაჭრა. დაშავებული დანელია ქალაქ ზუგდიდის საკრებულოს წევრის კარლო ღადუას ახლო ნათესავია. შემთხვევიდან ცოტა ხანში სამართალდამცავებმა დანაშაულში ეჭვმიტანილი პირი ჯოლოხავა დააკავეს, რომელმაც დანაშაული აღიარა. არსებული ინფორმაციის თანახმად, შემთხვევის საფუძველი შურისძიების ნიადაგზე მოხდა. ლევან დანელიას რამდენიმე თვის წინ ავტოავარია მოუვიდა, სადაც დაკავებული ჯოლოხავას ახლობელი დაშავდა. არსებული ინფორმაციის თანახმად, დაშავებული გუშინ გარდაიცვალა. დაზარალებული დანელია მკურნალობას ზუგდიდის რეფერალურ საავადმყოფოში გადის, მისი ჯანმრთელობის მდგომარეობა სტაბილურად მძიმეა.მომხდარზე აღძრულია სისხლის სამართლის საქმე,მიმდინარეობს გამოძიება.