ანაკლიის პოლიციის უფროსმა გელა ალანიამ თანამდებობა დატოვა. ინფორმაციას ამის შესახებ  ზუგდიდის მთავარ სამმართველოში ადასტურებენ. არსებული ინფორმაციის თანახმად ალანია თანამდებობიდან პირადი განცხადების საფუძველზე განთავისუფლდა. კულუარული ინფორმაციის თანახმად გელა ალანიამ თანამდებობა ანაკლიის პოლიციაში მომხდარი ჩხუბის შემდეგ დატოვა. გავრცელებული ინფორმაციით, ალანიასა და ანაკლიის ინსპექტორს, გიორგი ცანავას შორის  ხელჩართული ჩხუბი მოხდა. როგორც ადგილობრივები ამბობენ, ჩხუბის მიზეზი ალანიას მიერ ცანავასათვის მიცემული პირობა იყო, რომ ის მის ნათესავს თანამდებობაზე დანიშნავდა. შეგახსენებთ, რომ  გელა ალანია სამეგრელო-ზემო სვანეთის გუბერნატორის ლევან შონიას მამიდაშვილია. ვინ შეცვლის გელა ალანიას ამ დროისთვის ცნობილი არ არის.