„ბურჯანაძე – ერთიანი ოპოზიციის“ ზუგდიდის ორგანიზაციაში დღეს ჟურნალისტებისთვის ბრიფინგი ორ თემაზე გაიმართა. პარტიის ადგილობრივი წარმომადგენლობის ხელმძღვანელის გოგიტა ბიგვავას განცხადებით, 28 აპრილს, მმართველი პარტიის წევრების შეხვედრას ზუგდიდში ადგილობრივი მოსახლეობა არ ესწრებოდა. ბიგვავას განცხადებით, მოსახლეობის ნაცვლად კოალიციის წარმომადგენლებს ადგილობრივი ხელისუფლების წარმომადგენლები და მათთან დაახლოებული პირები დაახვედრეს. მისი განცხადებით, შეხვედრაზე დასწრების საშუალება არც პარტიის წევრებს მიეცათ.აღნიშნულ განცხადებაზე კომენტარი სამეგრელო ზემო-სვანეთის გუბერნატორის პრესსამსახურის უფროსმა გააკეთა. პაატა ლაგვილავას განცხადებით, სამართალდამცავებმა არა რიგით მოქალაქეებს, არამედ აქციის მონაწილეებს არ მისცა შეხვედრაზე დასწრების უფლება. ზუგდიდი-ანაკლიის ცენტრალურ მაგისტრალზე მიმდინარე სამუშაოების შესახებ ისაუბრა გოგიტა ბიგვავამ. მისი განცხადებით, მუნიციპალიტეტის გამგეობა ვალდებული იყო შემოვლითი გზის რეაბილიტაცია მოეხდინა და ცენტრალური მაგისტრალის ინფრასტრუქტურის მოწესრიგებაზე ეზრუნა.აღნიშნულთან დაკავშირებით, ტელეკომპანია ოდიშმა კომენტარის გაკეთება გამგებლის მოადგილეს თხოვა. გურგენ სართანიას განცხადებით, თავად მოსახლეობის თხოვნის საფუძველზე დაიწყო გზის მოწესრიგება.ზუგდიდი-ანაკლიის დამაკავშირებელ ცენტრალურ მაგისტრალზე დაახლოებით ერთი კვირაა მრავალწლოვანი ხეების გაკაფვა-მოწესრიგება მიმდინარეობს. აღნიშნული სამუშაოების გამო ამ პერიოდის განმავლობაში მოსახლეობას შემოვლითი გზით უწევს მოძრაობა.
„ბურჯანაძე-ერთიანი ოპოზიციის“ ზუგდიდის ორგანიზაციის ხელმძღვანელის სპეციალური ბრიფინგი.
Published on