პარლამენტთან მიმდინარე აქციას სტუდენტები სხვადასხვა უნივერსიტეტებიდან მსვლელობით შეუერთდნენ. “არა რუსულ კანონს” – სტუდენტების მთავარი გზავნილია.
პარლამენტთან აქცია კომიტეტის სხდომის პარალელურად მიმდინარეობს. მოქალაქეები, სამოქალაქო აქტივისტები, ჟურნალისტები და მესამე სექტორის წარმომადგენლები რუსულ კანონს აპროტესტებენ.
შეგახსენებთ, ამ წუთებში საკომიტეტო სხდომათა დარბაზში რუსული კანონის განხილვა მიმდინარეობს. სხდომა ხმაურისა და დაპირისპირების ფონზე მიმდინარეობდა, დარბაზიდან გააძევეს რამდენიმე ოპოზიციონერი დეპუტატი. სხდომის პარალელურად აქცია მიმდინარეობს საკანონმდებლო ორგანოს გარეთ.