იტალიის მინისტრთა საბჭომ ხუთშაბათს გამართულ სხდომაზე ერთხმად მიიღო განკარგულება, რომლის მიხედვითაც, უკრაინაში იარაღის მიწოდება 2023 წლის 31 დეკემბრამდე გაგრძელდება.
განკარგულების თანახმად, კიევს სამხედრო ტექნიკა და აღჭურვილობა გადაეცემა.
მთავრობის დადგენილება ძალაში შესვლისთვის იტალიის პარლამენტმა უნდა დაამტკიცოს.
იტალიის ყოფილი პრემიერმინისტრის მარიო დრაგის ადმინისტრაციამ ომის დაწყების შემდეგ შემოიღო ზომები, რომლებიც საშუალებას აძლევდა ქვეყანას, იარაღი კიევში პარლამენტის ნებართვის მოთხოვნის გარეშე გაეგზავნა.
ამ შეთანხმებას ვადა ეწურება წლის ბოლოს და ახალი პრემიერმინისტრის მხარდამჭერმა კოალიციამ თავდაპირველად სცადა მისი გახანგრძლივება 2023 წლის 31 დეკემბრამდე, მთავრობის დადგენილებაში შესწორებით, რომელიც ახლა პარლამენტში გადადის.