რა ისწავლა ხელისუფლებამ კორცხელში და ისწავლა თუ არა საერთოდ რამე

11:43 13-03-2018
რა ისწავლა ხელისუფლებამ კორცხელში და ისწავლა თუ არა საერთოდ რამე
კორცხელის გაკვეთილიდან სწორი დასკვნები გამოვიტანეთ, - ამის შესახებ საქართველოს პარლამენტის თავმჯდომარემ ირაკლი კობახიძემ კონფერენციაზე "2017 წლის ადგილობრივი თვითმმართველობის არჩევნები: მიღებული გამოცდილება და მომდევნო ნაბიჯები" განაცხადა.
 
"ჩვენ გვქონდა ძალიან ცუდი ინციდენტი 2016 წლის არჩევნებამდე, ვგულისხმობ, კორცხელის ინციდენტს. ეს იყო ძალიან მნიშვნელოვანი გაკვეთილი პირველ რიგში მმართველი პარტიისთვის. მინდა თამამად აღვნიშნო, რომ ჩვენ ძალიან სწორი დასკვნები გამოვიტანეთ ამ გაკვეთილიდან, ამ ინციდენტიდან და მათ შორის ამის შედეგიც არის ის, რომ 2016 წლის ძალიან რთულმა საპარლამენტო არჩევნებმა არსებითი ინციდენტების გარეშე ჩაიარა. იყო რამდენიმე შედარებით უმნიშვნელო ინციდენტი და ანალოგიურად ჩაიარა 2017 წლის არჩევნებმა",- განაცხადა კობახიძემ და დასძინა, რომ ეს სწორედ სწორი დასკვნებიდან გამომდინარე გახდა შესაძლებელი.
წაკითხულია 316-ჯერ