ამ გვერდის ამობედვა

,,მეფე მოკვდა. გაუმარჯოს მეფეს''. რატომ ალაპარაკდა პატრიარქი და საკონსტიტუციო უმრავლესობა დღეს კონსტიტიციური მონარქიის აღდგენაზე ?

15:00 18-06-2017
,,მეფე მოკვდა. გაუმარჯოს მეფეს''. რატომ ალაპარაკდა პატრიარქი და საკონსტიტუციო უმრავლესობა   დღეს  კონსტიტიციური  მონარქიის  აღდგენაზე ?
სანამ საქართვერლოსი ნომერ პირველი ნიუსს ბიძინა ივანისვილის ჯანმრთელობის მდგომარეობა წარმოადგენს, უმრავლესობის ვიცე-სპიკერი გია ვოლკსი საქართველოში მონარქიის აღდგენის საკითხზე ალაპარაკდა.
 
კონსტიტუციური მონარქიის აღდგენის საკითხის მიმართ  ნამდვილად პოზიტიური დამოკიდებულება მაქვს, - განაცხადა მან დღეს ”ინტერპრესნიუსისთვის'' გაკეთებულ კომენატარებში საქართველოს კათოლიკოს-პატრიარქის ილია მეორის იმ მოსაზრებასთან დაკავშირებით , რომელიც კონსტიტუციური მონარქიის აღდგენას უკავშირდება. 
 
ვოლსკის თქმით, ის, რაც მონარქიის კარს ახასიათებს, თუნდაც დამოკიდებულება აფხაზებთან, ოსებთან, სხვა ერებთან, საქართველოსთვის პოზიტივის მომტანი იქნება, მაგრამ სამწუხაროდ, ახლო პერსექტივაში ამის წინაპირობები არ ჩანს. 
 
”მონარქია არა მხოლოდ ჩვენი ისტორიული წარსულია, არამედ არის ძალიან წარმატებული მაგალითი, რომელიც დასავლეთ ევროპაში არსებობს. ამ ქვეყნებს საკმაოდ წარმატებული განვითარება ახასიათებს როგორც ეკონომიურად, ასევე პოლიტიკურად. ამ თემასთან დაკავშირებით პირადად მე ნამდვილად პოზიტიური დამოკიდებულება მაქვს და არა მხოლოდ ემოციური შინაარსიდან გამომდინარე - ჩემთვის ამ საკითხს მხოლოდ ემოციური საწყისი არა აქვს. ეს არის დაკავშირებული სავსებით პრაგმატულ ხედვასთან. საკონსტიტუციო მონაქიის ახლა ამოქმედება რეალურად არ მეჩვენება, რადგან თვითონ მეფის გვარი, მეფის ოჯახი, სამეფო სახლი ჯერ ისე არ არის ჩამოყალიბებული და მომზადებული, რომ რეალური კანდიდატურა წარმოადგინოს. ალბათ დიდი დრო დაჭირდება, მაგრამ ახლავე თუ პოზიტიური განწყობა დაითესება, ურიგო არ იქნება. გადავხედოთ დიდი ბრიტანეთის, დანიის, შვედეთის, ბელგიის ნორვეგიის და სხვა ქვეყნების მაგალითს, როდესაც ერის და სხვადასხვა ეროვნებების გამაერთიანებელი არის სამეფო ოჯახი”, - განუცხადა ”ინტერპრესნიუსს” გია ვოლსკიმ. 
 
 საქართველოს კათოლიკოს-პატრიარქმა, სამების საკათედრო ტაძარში დღევანდელ  საკვირაო ქადაგებაზე განაცხადა;   
”საქართველო არის უძველესი ქვეყანა, უძველესი კულტურით. იქნებ გვეფიქრა ჩვენ იმაზე, ვინ ვიყავით წარსულში, ვინ ვართ დღეს და ხვალ ვინ ვიქნებით. იქნებ გვეფიქრა იმაზე, რომ საქართველო არის უძველესი მონარქია. ღვთის წყალობით, მეფე გვმართავდა. დღეს ხშირი შემთხვევაა მსოფლიოში, როცა მონარქი ეწოდება, მეფე მეფობს, მაგრამ არ მართავს. ამას ეწოდება კონსტიტუციური მონარქია და სიმშვიდე შემოაქვს ქვეყანაში. ეს, რა თქმა უნდა, დღეს და ხვალ ვერ მოხდება, მაგრამ ჩვენ უნდა გავაანალიზოთ წარსული, დღევანდელი დღე და მომავალი”,- განაცხადა უწმინდესმა.
წაკითხულია 232-ჯერ