ზუგდიდში ე.წ. ,,მიშას საკურა'' გაიკვირტა

15:11 16-04-2018
ზუგდიდში ე.წ. ,,მიშას საკურა'' გაიკვირტა
ზუგდიდის სკეიტპარკში გაიკვირტა ორი ძირი  საკურა, რომელიც პრეზიდენტმა სააკაშვილმა ამ რამდენიმე წლის წინ აჩუქა ქალაქს. ეს ნებსით თუ უნებლიედ აღძრავს ასოციაციას ასწლოვან ხეებთან, რომლებიც უმოწყალოდ ამოგლიჯეს თავიანთი ადგილიდან და ცენტრალურ ტრასაზე დგანან იძულებითი გადასახლების ბოლო პუნქტამდე დაძვრის მოლოდინში.
 
ასეა. ვინ ხეებს რგავს, ვინ თხრის, ვინ აშენებს, ვინ ანგრევს, ვისთვის მამული საკუთარი დენდროპარკია, ვისთვის მთელი ქვეყანა, თავის რეგიონებიანად, რომლებიც საბჭოური ტრადიციის საწინააღმდეგოდ ცენტრის ჩაქუჩს ტუ იგნორირებას გამოაცალა. 
 როგორც ერთერთი  ფეისბუქმომხმარებელი  წერს, ,,ზოგი ირგვლივ ყველაფერს თხრის, ძირკვავს, ჩეხავს, ანადგურებს, რომ მხოლოდ ის ერთი, რაც მოსწონს, საკუთარ სახლში წაათრიოს!
ზოგი მარტო აქაურს არ სჯერდება და შორეული ქვეყნებიდანაც კი ეზიდება, რგავს, რწყავს, უვლის და ელოლიავება, რომ მისი ქვეყანა და ჩვენი ქვეყანა ყველაზე ლამაზი იყოს!
არადა, რა ადვილია სიკეთის დანახვა!..''.
 
ასეა თუ ისე, ზუგდიდში გაზაფხულია -  16-18 აპრილს აქ, ისევე, როგორც მთელ დასავლეთ საქართველოში,თბილი და უნალექო ამინდია მოსალოდნელი. დაბლობში ჰაერის ტემპერატურა დღის საათებში +17, +22 გრადუსი იქნება; 17–18 აპრილს  დღისით +22, +27 გრადუსი.
 
რაც შეეხება აღმოსავლეთ საქართველოს 16 აპრილს ბარში დღისით +10, +15 გრადუსი იქნება, ხოლო 17–18 აპრილს ტემპერატურა +16, +21 გრადუსამდე მოიმატებს, თუმცა  ცალკეულ რაიონში ღამის საათებში შესაძლოა მცირე ნალექი და ნისლი. 
 
ღამის საათებში მცირე წვიმა და ნისლია მოსალოდნელი თბილისშიც .  
16–17 აპრილს ჰაერის ტემპერატურა დღისით +14, +16 გრადუსამდე მოიმატებს 18 აპრილს კი +20 გრადუსამდე .
წაკითხულია 430-ჯერ